AQSh Bashar Asad bilan IShIDga qarshi kurashda hamkorlikni istisno etdi

AQSh Suriya prezidenti Bashar Asad bilan IShIDga qarshi kurashda hamkorlikni istisno etadi. Bu haqda AQShning IShIDga qarshi kurash bo‘yicha vakili Brett Makgerk ma’lum qildi, deya xabar beradi “RIA Novosti”.

“Suriyada vaziyat Iroqqa nisbatan murakkabroq, u yerda hukumat timsolidagi sherigimiz yo‘q. Asad tuzumi bilan esa hech qachon hamkorlik qilmaymiz”, — deya ta’kidladi Makgerk.

Eslatib o‘tamiz, oldinroq AQSh boshchiligidagi xalqaro koalitsiya Suriya armiyasi marralariga aviazarba bergani haqida xabar berilgandi.

IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.

“Daryo” yangiliklarini “Odnoklassniki”da kuzatib boring