Morgan kompaniyasining sportkari poygada kichik samolyot bilan bellashdi (video)

Morgan kompaniyasining Morgan Aero 8 sportkari uchish maydonchasida biplan (qanotlari ustma-ust qilib ishlangan qo?sh qanotli samolyot) bilan bellashdi. Poyga Lestershirdagi Brantingtorp aerodromida bo‘lib o‘tdi va ushbu poyga tasvirga olingan videorolik avtomobil ishlab chiqaruvchi kompaniyaning YouTube’dagi kanaliga joylashtirildi, deb xabar berdi “Motor”.

Poygada Morgan Aero 8 sportkari va Pitts 2S2 biplani o‘zaro bellashdi. Sportkarni ushbu avtomobil bosh dizayneri Jon Uells, biplanni esa sobiq harbiy uchuvchi, hozirda kaskadyorlik bilan shug‘ullanadigan, o‘zining samolyotida turli aeroshoular namoyish etadigan Richard Gudvin boshqardi.

Biplan hajmi 8,5 litrli 300 ot kuchiga ega dvigatel bilan jihozlangan, Aero 8 esa BMW tomonidan ishlab chiqarilgan 372 ot kuchigacha ko‘tarila oladigan 4,8 litrli atmosfera dvigateliga ega.

“Daryo” yangiliklarini “Odnoklassniki”da kuzatib boring