Damashq shimoli-sharqida jangarilar evakuatsiyasi qaytadan boshlandi

Qurolli guruhlar jangarilarini Damashq shimoli-sharqidagi Barze kvartalidan evakuatsiya qilishning uchinchi bosqichi 20-may kuni boshlandi. Kelishuv shartlariga binoan, shahar chetidagi kvartallarni qurollarini topshirishdan bosh tortgan jangarilar tark etmoqda, deb xabar beradi “TASS”.

Jangarilar oila a’zolari bilan birgalikda avtobuslarda Turkiya bilan chegaradagi Idlib viloyatiga ko‘chiriladi. Viloyat ayni paytda “Jabhat an-Nusra” ekstremistik tashkiloti tomonidan nazorat qilinmoqda.

8 va 12-may kunlari kelishuv realizatsiyasining birinchi va ikkinchi bosqichlarida Barze va unga yaqin Tishrin kvartallaridan 568 va 718 jangari olib chiqilgan edi.

“Daryo” yangiliklarini Facebook’da kuzatib boring