IShID jangarilari Suriyadagi bir qishloqda 19 kishini o‘ldirdi

IShID guruhi terrorchilari Suriyaning Dayr az-Zavr viloyatida joylashgan sharqidagi Jizra-Bushams qishlog‘i aholisini yoppasiga qirg‘in qildi. Bu haqda “TASS” xabar bermoqda.

Aytilishicha, terrorchilar guruhi mart oyida “Suriya demokratik kuchlari”ga mansub arab-kurd otryadlari tomonidan ozod qilingan ushbu qishloqqa bostirib kirib, kamida 19 kishini o‘ldirgan. Qurbonlarning ikki nafari ayollar va ikki nafari bolalar bo‘lgani ma’lum.

Jangarilar “Suriya demokratik kuchlari” ko‘ngillilarini asir qilib olib ketdi.

IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.

“Daryo” yangiliklarini Facebook’da kuzatib boring