Yaponiya TIV: BMT konvensiyasi yadroviy davlatlar bilan kelishmovchiliklarni chuqurlashtiradi

BMT aksilyadroviy konvensiyasining qabul qilinishi bunday qurolga ega davlatlar bilan kelishmovchiliklarni chuqurlashtirishi mumkin. Bu haqda Yaponiya tashqi ishlar vaziri Fumio Kisida ma’lum qildi, deb xabar beradi “TASS”.

“Konvensiyaning qabul qilinishi unga qarshi chiqayotgan yadroviy davlatlar bilan kelishmovchilarni faqat chuqurlashtirishi mumkin. Bizni mazkur hujjatni amalga oshirishga yaqinlashtirmaydi”, — ta’kidladi Kisida.

Iyun oyi o‘rtasida BMT shtab-kvartirasida yadro qurolini man etish bo‘yicha konvensiya bo‘yicha muzokaralar tiklanadi. Muzokaralarda 115 dan ortiq davlat ishtirok etadi, ular orasida birorta yadroviy davlat yo‘q.

“Daryo” yangiliklarini Facebook’da kuzatib boring