Yaponiya mudofaa vaziri iste’foga chiqishini e’lon qildi

Yaponiya mudofaa vaziri Tomomi Inada iste’foga chiqayotganini e’lon qildi, deb yozadi “Gazeta.ru”.

Inadaning o‘z lavozimidan ketishi yapon tinchlikparvarlarining Janubiy Sudandagi operatsiyalari bo‘yicha hujjatlarning bekitilishi bilan bog‘liq shov-shuvga aloqadordir.

Ta’kidlanishicha, vazir atrofidagi vaziyat bosh vazir Sindzo Abening reytingiga salbiy ta’sir o‘tkazgan, u Inadani faol qo‘llab-quvvatlagan edi.

Abe uni vazirlikka rahbar etib tayinlagani uchun uzr so‘radi. U mojaro uchun mas’uliyat to‘liq o‘zining zimmasida ekanligini qo‘shib qo‘ydi.

“Daryo” yangiliklarini Facebook’da kuzatib boring