“Endi biz aysberglarni qutqaryapmiz”. “Titanik” yulduzlari yana uchrashdi

26-iyul kuni “Titanik” filmida bosh rollarni ijro etgan aktyorlar Sen-Tropeda Leonardo DiCaprio Foundation tomonidan tashkil etilgan xayriya kechasida ishtirok etdi. Bu haqda TJournal xabar bermoqda.

Leonardo Di Kaprio va Keyt Uinslet “Titanik”dan keyin ham bir necha marta uchrashgan. Ammo aynan 2017-yili ularni yulduzga aylantirgan kartina 20 yoshga to‘ldi.

“Bezorilar yana birga. Endi biz aysberglarni qutqaryapmiz”, — deb yozdi “Titanik” triosining a’zosi Billi Zeyn birgalikda tushilgan rasmga qoldirilgan izohda.

Di Kaprio jamg‘armasi iqlim o‘zgarishi va ekologiyaning buzilishi muammolari bilan shug‘ullanadi. Joriy yilda u mashhurlar ishtirokidagi auksionda 30 million dollar to‘pladi.

“Daryo”ning Telegram’dagi rasmiy kanali — @toshqindaryo’ga a’zo bo‘ling!