Putin davlatga xiyonatda ayblangan ikki ayolni avf etdi. Ular Gruziyadagi tanishlariga SMS yozgani uchun qamalgan edi

Rossiya prezidenti Vladimir Putin davlatga xiyonat ishi bo‘yicha sudlangan ikki ayol — Marina Janjgava va Annik Kesyanni avf etdi. Bu haqda Meduza xabar bermoqda.

Putinning avf etish haqidagi farmonlari 29-iyul kuni Rossiya huquqiy axborot internet-portalida e’lon qilingan. Farmonlar 10 kundan so‘ng rasman kuchga kiradi.

Xabar berishlaricha, Marina Janjgava va Annik Kesyan Janubiy Osetiyadagi 2008-yilgi qurolli nizodan biroz avval Sochidagi temiryo‘ldan Rossiya harbiy texnikalari olib o‘tilayotgani haqida Gruziyadagi tanishlariga SMS-xabarnoma yuborgani uchun sudlangan edi.

Xuddi shunday ayblov bo‘yicha Sochida 2015-yili Oksana Sevastidi sudlangan edi, u sakkiz yilga ozodlikdan mahrum etilgan edi. 2017-yil martida Putin uni ham avf etgan edi.

“Daryo” yangiliklarini “Odnoklassniki”da kuzatib boring