Toshkentda 27-iyul kuni yuz bergan uch avariya yetti kishi jarohatlandi

Toshkent shahri hududida 27-iyul kuni 3 ta yo‘l-transport hodisasi qayd etildi. Toshkent IIBB matbuot xizmatidan ma’lum qilishlaricha, mazkur YTHlar oqibatida 7 nafar shaxslar tan jarohati olgan, vafot etganlar yo‘q.

Shu kuni yo‘l-patrul xizmati inspektorlari tomonidan jami 3 428 ta huquqbuzarliklar bo‘yicha ma’muriy bayonnomalar rasmiylashtirilgan bo‘lib, shulardan, 806 tasini qo‘pol turdagi, 27 tasini mast holda transport vositasini boshqarish tashkil etgan.

Ayni vaqtda, shahar IIBB YHXB kompyuterlashtirilgan boshqaruv tizimi tomonidan 27-iyul kuni jami 2 633 ta huquqbuzarliklar qayd etilgan.

Shulardan 1 564 tasini svetoforning taqiqlovchi chirog‘iga bo‘ysunmasdan harakatlanish, 1 069 tasini belgilangan me’yordan yuqori tezlikda harakatlanish tashkil etadi.

“Daryo” yangiliklarini “Odnoklassniki”da kuzatib boring