Kubanda ikki yengil avtomobilning to‘qnashuvi oqibatida besh kishi halok bo‘ldi

Kubanda ikki yengil avtomobilning to‘qnashuvi oqibatida besh kishi halok bo‘ldi, bir kishi jarohatlandi. Bu haqda Rossiya IIV Krasnodar o‘lkasi bosh boshqarmasi matbuot xizmati ma’lum qildi, deya xabar beradi “TASS”.

“YTH Krasnoarmeysk tumanidagi Vodniy posyolkasida, Temryuk — Krasnodar — Kropotkin avtoyo‘lida sodir bo‘ldi. ‘VAZ-2107’ va Mercedes to‘qnashuvi oqibatida voqea joyida birinchi mashina haydovchisi va to‘rt yo‘lovchisi halok bo‘ldi, biri yaralandi. Mercedes haydovchisi jabrlanmadi”, — deyiladi matbuot xizmati xabarida.

Avariya joyida tezkor tergov guruhi ishlamoqda, hodisaning barcha tafsilotlariga aniqlik kiritilmoqda.

“Daryo” yangiliklarini “Odnoklassniki”da kuzatib boring