Amazon 50 mingta xodimni ishga olmoqchi

Amazon kompaniyada mingta robot ishlayotganiga qaramasdan, 50 mingta xodimni ishga oladi. Bu haqda Fortune’ga tayanib, “Korrespondent.net” xabar berdi.

Amazon Jobs Day doirasida kompaniya 50 mingta xodimni ishga oladi. 2018-yilga borib Amazon jami 100 mingta xodimni ishga olmoqchi.

Nomzodlarga Amazon qanday ishlashi ko‘rsatiladi, suhbat o‘tkaziladi va birdaniga ish taklif qilinishi mumkin.

Vitse-prezident Jon Olsenning so‘zlariga ko‘ra, kompaniya “raqobatli ish haqi” va bonuslar taklif qiladi.

Xabar qilinishicha, Amazon ma’lumotlar tahlili va mijozlar bilan ishlash bo‘yicha mutaxassislar va xodimlar izlamoqda.

“Daryo” yangiliklarini Facebook’da kuzatib boring