Yaponiyadagi birinchi xususiy raketaning uchirilishi muvaffaqiyatsiz yakunlandi

Yaponiyada Interstellar Technologies xususiy kompaniyasi tomonidan ishlab chiqilgan raketaning uchirilishi muvaffaqiyatsiz yakunlandi. Bu haqda “TASS” xabar bermoqda.

Yoqilg‘i tizimi va akkumulyatorlardan biridagi texnik muammo tufayli raketa starti ko‘p vaqt ortga qoldirilib keldi, ammo bu loyihani muvaffaqiyatsizlikdan qutqarmadi. Shuningdek, qo‘shimcha xavfsizlik tekshiruvlari uzoq muddatga cho‘zilib ketdi.

Raketa start olishi bilan telemetriyada muammolar kelib chiqdi, buning natijasida kompaniya vakillari uchirishni to‘xtatishga qaror qildi.

MOMO nomli raketaning uzunligi 10 metrni, diametri esa 50 santimetrni tashkil etadi. Uning vazni 1 tonna atrofida.

“Daryo”ning YouTube’dagi rasmiy sahifasiga obuna bo‘ling