Vladivostokda mushuk yetim qolgan tipratikan bolalarini qaramog‘iga oldi (video) 

Vladivostokda Musya laqabli mushuk onasi o‘t o‘rish qurilmasi ostida qolib o‘lgan tipratikan bolalarini qaramog‘iga oldi. Bu haqda UAE Inside xabar bermoqda.

Hodisa mahalliy hayvonot bog‘ida ro‘y berdi. Uning xodimlari avvaliga yetim jonivorlarni mustaqil ravishda boqishga urindi, biroq ular shisha idishlardagi ozuqadan bosh tortdi.

Shundan so‘ng xodimlar hali ko‘zi ochilmagan bolachalarni Musyaning yoniga joylashtirdi. Mushuk ularni ovqatlantiradi, bag‘riga bosadi, yalab-yulqaydi.

Tipratikan bolalarini biroz ulg‘aygach tabiatga qo‘yib yuborish mo‘ljallanmoqda.

“Daryo”ning YouTube’dagi rasmiy sahifasiga obuna bo‘ling