Ishlab chiquvchilar o‘zlari bilmagan holda yangi iPhone’ning tashqi qiyofasini oshkor etdi

Ishlab chiquvchilar HomePod aqlli kolonkasining Apple serveriga joylangan kodida yuzlarni tanib olish funksiyasi haqidagi eslatmalarni, shuningdek, yangi iPhone 8 ning sxemali tasvirini aniqladi, deb yozadi Afisha Daily.

Mish-mishlarga ko‘ra, foydalanuvchini tanib olishning yangi usuli yuzni skanerlovchi infraqizil kamera asosida ishlaydi. Bloomberg yozishicha, u Touch ID’dan ko‘ra xavfsizroq.

Qurilma tasviriga qaraganda, yangi iPhone’lar romsiz displey, yaqinlashtiruvchi datchikka ega bo‘ladi, gadjetning old tomonida esa dinamik uchun tirqish paydo bo‘ladi.

iPhone 8 2017-yilning kuzida, an’anaviy Apple konferensiyasi chog‘ida taqdim etilishi kutilmoqda.

“Daryo” yangiliklarini Facebook’da kuzatib boring