Peruning And tog‘larida alpinistlar guruhi halok bo‘ldi

Peruning And tog‘larida alpinistlar guruhi halok bo‘ldi. Ularning ikkisi Chili, biri Rossiya fuqarosi ekanligi bildirilmoqda, deya xabar beradi “Kommersant.ru”.

Alpinistlarni qidirish 31-iyul, dushanba kuni, Kristobal Bitssari, Gabriel Navarrete va Aleksandr Maznev belgilangan muddatda ortlariga qaytmaganidan so‘ng boshlandi.

Tog‘ yo‘l ko‘rsatuvchilari assotsiatsiyasi rahbari Rafael Figeroaga ko‘ra, hodisaga Piramida cho‘qqisiga ko‘tarilish chog‘ida ko‘chki yuz bergani sabab bo‘lgan. Alpinistlar o‘zlari bilan hamrohlikka tajribali yo‘lko‘rsatuvchi olmagani fojiadan qutulib qolishga xalaqit bergan.

Hodisa olis hududda sodir bo‘lgani tufayli jasadlarni olib kelish bo‘yicha operatsiya endi boshlandi.

“Daryo”ning YouTube’dagi rasmiy sahifasiga obuna bo‘ling