Vega raketasi Italiya harbiy sun’iy yo‘ldoshini muvaffaqiyatli orbitaga olib chiqdi

Yevropaning Vega raketa tashuvchisi Italiyaning Optsat-3000 harbiy sun’iy sun’iy yo‘ldoshini muvaffaqiyatli orbitaga olib chiqdi. Bu haqda parvoz operatori bo‘lgan Arianespace kompaniyasi rahbari Stefan Israel ma’lum qildi, deya xabar beradi “TASS”.

“Optsat-3000 Vega’dan ajraldi. Orbita parametrlari risoladagidek”, — deya yozuv qoldirdi u Twitter’dagi sahifasida.

Raketa 1-avgust, seshanba kuni Fransiya Gvianasidagi Kuru kosmodromidan uchirildi. Yevropa koinot agentligiga ko‘ra, Optsat-3000 qurilmasi Italiya mudofaa vazirligini yuqori sifatli tasvirlar bilan ta’minlashi lozim. Uning asosiy vazifasi atrof-muhitni o‘rganishdan iborat.

“Daryo” yangiliklarini “Odnoklassniki”da kuzatib boring