Bobur Alixonov O‘zMTRK raisi vazifasini bajaruvchi etib tayinlandi

Bobur Alixonov O‘zbekiston Milliy teleradiokompaniyasi raisi vazifasini bajaruvchi etib tayinlandi. Bu haqda “O‘zbekiston 24” telekanali xabar bermoqda.

“Daryo” manbalari bergan ma’lumotga ko‘ra, 3-avgust kuni O‘zbekiston bosh vaziri Abdulla Aripov O‘zMTRKda bo‘lgan. U teleradiokompaniya jamoasiga Bobur Alixonovni MTRK raisi sifatida tanishtirgan.

Bobur Alixonov 3-aprel kuni O‘zMTRK raisining axborot uzatish bo‘yicha birinchi o‘rinbosari etib tayinlangan edi. Qayd etish joiz, Alixonov 1983-yildan beri televideniyeda turli lavozimlarda ishlab keladi.

Avvalroq Xurshid Mirzohidov O‘zMTRK raisi lavozimidan ozod etilgani haqida xabar berilgan edi.

“Daryo” yangiliklarini Facebook’da kuzatib boring