2050-yilga kelib jahonda ko‘zi ojizlar soni uch barobar ko‘payishi mumkin

2050-yilga kelib jahonda ko‘zi ojizlar soni uch barobar ko‘payishi mumkin. Bu haqda Lancet Global Health tibbiyot jurnalida chop etilgan tadqiqotda aytildi, deb xabar beradi “RIA Novosti”.

Olimlarning yozishicha, 2015-yili sayyorada istiqomat qiluayotgan 7,33 milliard odamdan 36 million nafarining ko‘zi ojiz edi. Prognozlarga ko‘ra, 2020-yili ularning soni 38,5 million kishiga, yana 30 yildan so‘ng esa 115 million kishiga yetadi.

Bunday o‘zgarishlarni tadqiqot mualliflari aholi qarib borayotgani bilan bog‘lamoqda.

Hisobotga ko‘ra, ko‘zi ojizlarning eng katta miqdori Janubiy Osiyo mamlakatlarida, shuningdek, Sahroi Kabirdan janubdagi Afrika mamlakatlarida qayd qilingan.

“Daryo” yangiliklarini Facebook’da kuzatib boring