Lukashenko Belarus aholisini 15 mln kishiga yetkazish zarurligini aytdi

Belarus prezidenti Aleksandr Lukashenko mamlakat aholisi sonini 15 million kishiga yetkazish zarurligini ta’kidladi. Bu haqda “BЕLTA” agentligi ma’lum qildi.

“Biz bo‘lmasak, bolalarimiz hal etishi lozim bo‘lgan eng asosiy masala — aholi sonini 15 million kishiga yetkazish. Bu mamlakatimizning iqtisodiy xavfsizligi, davlatimiz qudratidir, bu odamlarga bog‘liq”, — dedi u.

U oxirgi yillarda mamlakatda aholi o‘sish dinamikasi ijobiy bo‘layotganini qayd qilib o‘tdi.

“Bu dinamikani nafaqat saqlab qolish, balki o‘stirish lozim. Belarus 20 million kishini boqa oladi”, — xulosa qildi davlat rahbari.

“Daryo” yangiliklarini “Odnoklassniki”da kuzatib boring