Dubayning Torch Tower osmono‘par binosidagi yong‘in o‘chirildi

Dunyoning eng baland turar-joylaridan biri — Dubaydagi Torch Tower (“Mash’al” minorasi) osmono‘par binosidagi yong‘inni o‘t o‘chiruvchilar bartaraf qildi, deb yozadi Reuters.

Balandligi 337 metr bo‘lgan 79 qavatli inshootdagi yong‘in Toshkent vaqti bilan 4-avgust kuni soat 1:00 da o‘chirildi.

Hukumat ma’lumotlariga ko‘ra, binodagi odamlar evakuatsiya qilingan, jabrlanganlar yo‘q. Yondosh ko‘chalar yopib qo‘yilgan.

Hukumat yong‘in ta’sirida qolganlarni boshpana bilan ta’minlash ustida ishlayotganini ma’lum qildi.

Yong‘in 5-avgust, juma kuniga o‘tar kechasi yuzaga keldi. Uning sababi hozircha noma’lum.

“Daryo”ning YouTube’dagi rasmiy sahifasiga obuna bo‘ling