Ispaniyada o‘n yildan beri ishga chiqmagan amaldor ishdan haydaldi
Valensiya qonunchilik majlisi o‘n yildan beri ishga kelmay, maosh olib turgan viloyat arxivi xodimini ishdan bo‘shatdi. Bu haqda “RIA Novosti” xabar bermoqda.
Karles Resio 2006-yildan boshlab har yili 50 ming yevrodan olib turgan. U ishga 7:00 da kelib, elektron tizimda o‘zining ishga kelgani haqida qayd qoldirgan, yarim soat o‘tgach, ishxonani tark etib, 16:00 da ishdan chiqib ketgani haqida qayd qoldirish uchun qaytib kelgan.
Uning aytishicha, u “har doim bir ishni qilgan — qog‘ozlar bilan ishlagan” va, uning fikricha, bu qora ish hisoblanadi. “Ish”dan bo‘sh vaqtida esa komikslar chizganini aytgan. Ma’lum bo‘lishicha, u arxivga ishga kirguniga qadar o‘z uyida ishratxona tashkil etgan.
Hozirgi vaqtda Karles Resio shifoxonada davolanmoqda. Deputatlar esa Resioning bevosita boshlig‘i — arxiv direktori Mariya Xose Gilga nisbatan qanday chora ko‘rish haqida bosh qotirmoqda.
“Daryo” yangiliklarini “Odnoklassniki”da kuzatib boring