Gruziyaning 150 ga yaqin fuqarosi Istanbul qamoqxonasida ochlik e’lon qildi

Turli xil jinoyatlar uchun Turkiyada jazoni o‘tayotgan Gruziyaning 150 nafarga yaqin fuqarosi ochlik e’lon qildi. Bu haqda “Gazeta.ru” xabar bermoqda.

Mahbuslarning qarindoshlari “Rustavi 2” telekanaliga bergan ma’lumotga ko‘ra, gruziyalik jinoyatchilar qamoqda saqlash sharoitlarining “chidab bo‘lmasligiga” norozilik sifatida ochlik e’lon qilgan.

Bundan tashqari, qarindoshlar Gruziya hukumatidan mazkur masalaga e’tibor qaratishni va Turkiyada saqlanayotgan gruziyalik mahbuslarga yordam ko‘rsatishni so‘ragan.

Qayd etishlaricha, gruziyalik mahbuslarning Turkiyada e’lon qilgan ochlik aksiyasi to‘rtinchi kunki davom etmoqda.

“Daryo”ning YouTube’dagi rasmiy sahifasiga obuna bo‘ling