Vyetnamdagi toshqin oqibatida 23 kishi qurbon bo‘ldi

Vyetnam shimolida ro‘y bergan toshqin oqibatida 23 kishi halok bo‘ldi. Bu haqda, AP’ga asoslanib, “RBK” xabar bermoqda.

Aytilishicha, kuchli yog‘ingarchilik va toshqinlar mamlakatda uch kun muqaddam boshlandi. Tabiiy ofat oqibatida 21 kishi jabrlandi, 16 kishi bedarak yo‘qoldi. Qutqaruv-qidiruv ishlariga 5 ming askar, shuningdek, politsiyachilar va ko‘ngillilar jalb etildi.

Toshqin oqibatida 228 uy vayron bo‘ldi, yo‘llar buzildi, dalalar va irrigatsiya tizimlari ishdan chiqdi.

Dastlabki ma’lumotlarga qaraganda, ofat keltirgan zarar 718,2 milliard dongga (31,8 million dollar) baholanmoqda.

“Daryo” yangiliklarini Facebook’da kuzatib boring