Amerikalik kongressvumen adashib Putinga impichment bilan tahdid qildi

AQSh Kongressi vakillar palatasi a’zosi Maksin Uoters Rossiya prezidenti Vladimir Putinni vitse-prezident Mayk Pens bilan adashtirib, uni impichment uyushtirish bilan tahdid qildi. Bu haqda “RIA Novosti” xabar bermoqda.

ABC News telekanalidagi “Nigoh” ko‘rsatuvi boshlovchisi Joy Bexar unga Mayk Pens Donald Trampdan ko‘ra prezidentlikni yaxshiroq eplay olish-olmasligi haqida savol berdi.

“Trampni bir yoqlik qilgach, Putinga kirishamiz. U keyingisi”, — dedi Uoters xonim.

“Putinmi, Pensmi?” — so‘radi boshlovchi.

“A, Pens”, — deb gapini to‘g‘riladi Uoters.

“Biz ikkovini: Trampniyam, Putinniyam bir yoqlik qilamiz, so‘ng Pensga kirishamiz”, — qo‘shimcha qildi siyosatchi.

“Daryo” yangiliklarini Facebook’da kuzatib boring