Rossiyalik tergovchilar “Krokus Siti” okeanariumi direktorining o‘ldirilishi haqida o‘z versiyalarini oshkor qildi

Rossiya tergov qo‘mitasi “Krokus Siti” okeanariumi direktori Andrey Chernovning o‘ldirilishi haqida o‘z versiyasini e’lon qildi. Bu haqda “RBK” xabar bermoqda.

“Tergov tadbirkorlik faoliyati bilan bog‘liq jinoyat versiyasini ko‘rib chiqmoqda”, — deyiladi idora bayonotida.

Hujjatda, shuningdek, Chernovning o‘ldirilishi yuzasidan Rossiya JKning 105-moddasi (qotillik), shuningdek, 222-moddasi 1-bandi (noqonuniy qurol savdosi) bo‘yicha jinoiy ish qo‘zg‘atildi.

Tergov versiyasiga ko‘ra, qotillik 4-avgust kuni Filevsk bog‘i hududida amalga oshirilgan — biznesmen shu hududda muntazam ravishda jismoniy tarbiya bilan shug‘ullanar edi. Qotil unga qarata kamida olti marta o‘q uzgan. Olingan jarohatlar oqibatida Chernov voqea joyida olamdan o‘tgan.

Chernov 52 yoshda edi.

“Daryo”ning Telegram’dagi rasmiy kanali — @toshqindaryo’ga a’zo bo‘ling!