OAV: Isroilda terrorchilar uchun o‘lim jazosini joriy qilishmoqchi

Isroil hukumati terrorchilar uchun o‘lim jazosini joriy etishni rejalashtirmoqda, deb yozadi “Gazeta.ru” “Izvestiya”ga tayanib. Tegishli hujjat tez orada knessetda ko‘rib chiqiladi.

Terrorchilar uchun o‘lim jazosini kiritish haqidagi qonun loyihasini Isroil knessetining “Likud” partiyasidan deputati Nava Prexi-Boker tayyorladi. Nashr ta’kidlashicha, uni Isroil bosh vaziri Binyamin Netanyaxu qo‘llab-quvvatlashga ulgurdi.

Hujjatga ko‘ra, terakt deb topilgan jinoyat uchun qonunbuzarga o‘lim jazosi ko‘zda tutiladi. Ayni paytda terrorizm uchun sudlanganlarga beriladigan maksimal jazo — umrbod qamoq jazosi.

“Daryo”ning Telegram’dagi rasmiy kanali — @toshqindaryo’ga a’zo bo‘ling!