Nemis tili rasman 5 ming so‘zga boyidi

Duden nemis tili lug‘ati tahririyati rasman 5 ming yangi so‘zni iste’molga kiritdi. Til korpusining kengaytirilishi borasidagi ko‘p yillik bahslar muvaffaqiyatsiz yakunlandi, deb xabar beradi “TASS”.

Jumladan, endilikda iste’molga Trampning prezidentlik saylovidagi g‘alabasidan so‘ng mashhur bo‘lgan “feyk nyus” iborasi kiritiladi. Nemis tilining 2016-yilgi asosiy neologizmi esa “postfaktish” bo‘lib, bu siyosiy va ijtimoiy bahslarda his-tuyg‘ular faktlardan ko‘ra ko‘proq ahamiyatga ega bo‘lishini anglatadi.

“Gap, aytaylik, texnika rivojlanishi haqida ketganida ko‘pchilik yangi so‘zlar hayotimizga ingliz-amerika muhitidan kirib kelishi faktdir”, — ma’lum qildi Duden muharriri Katrin Kunkel-Ratsum.

Nemis tili lug‘ati oxirgi marta 2013-yili chop etilgan edi. Endilikda u 27-marta nashr etiladi.

Lug‘atning birinchi nashri 1880-yilga oid bo‘lib, o‘sha payti unga 27 ming so‘z kiritilgan edi. Bugungi kunda so‘zlar soni 145 mingtaga yetdi.

“Daryo” yangiliklarini “Odnoklassniki”da kuzatib boring