Avtomobil sotish bahonasida 30 million so‘mdan ortiq pulni o‘zlashtirgan shaxs fosh etildi

Bekobod shahrida yashovchi 1989-yilda tug‘ilgan Furqat Abdunazarov avtomobil sotish bahonasi bilan aldab bir fuqaroning 30 million so‘mdan ortiq pulini o‘zlashtirdi. Bu haqda Toshkent viloyati IIB xabar berdi.

Furqat Abdunazarov joriy yilning 20-may kuni firibgarlik yo‘li bilan 1981-yilda tug‘ilgan Mansur Nurmuhammedovga Nexia rusumli avtoulovini sotmoqchi ekanligini aytgan. Shundan so‘ng Furqat Abdunazarov “avtoulovni bir hafta muddat ichida rasmiylashtirib beraman”, deb aldab, Mansur Nurmuhammedovdan 30 800 000 so‘m pulini olib, o‘z ehtiyoji uchun ishlatib yuborgan.

Olib borilgan tezkor chora-tadbirlar natijasida bu firibgarlikka chek qo‘yildi. Hozirda holat yuzasidan tergov harakatlari olib borilmoqda.

Holat yuzasidan keltirilgan anketa ma’lumotlari o‘zgartirilgan, har qanday o‘xshashliklar tasodifiy xarakterga ega.

“Daryo” yangiliklarini Facebook’da kuzatib boring