AQShda imo-ishoralar tilini o‘rgangan Chantek laqabli orangutan vafot etdi
Imo-ishoralar tilini o‘rganib, mashhur bo‘lib ketgan Chantek laqabli orangutan AQShning Atlanta shahridagi hayvonot bog‘ida 40 yoshida vafot etdi, deb yozadi “RIA Novosti”.
Xabarlarga ko‘ra, u yurak xastaligidan davolanayotgan edi.
Chantek Atlantada tug‘ilgan va to‘qqiz yil Chattanugadagi Tennessi universitetida antropolog Lin Maylz bilan yashagan. U o‘z xonasini yig‘ishtirishni, qo‘lda buyumlar yasashni va asboblardan foydalanishni, shuningdek, universitetdan Dairy Queen fastfud tarmog‘igacha bo‘lgan yo‘lni o‘rganib olgan.
Bundan tashqari, Chantek orangutanlar ichida birinchilardan bo‘lib imo-ishoralar tilini o‘rganib, uning yordamida 1997-yildan buyon yashab kelgan hayvonot bog‘idagi qo‘riqchilar bilan muloqot qilgan. Maymun tortinchoqligi tufayli, imo-ishoralar tilida begona kishilar bilan so‘zlasha olmagan.
“Daryo”ning YouTube’dagi rasmiy sahifasiga obuna bo‘ling