6-avgust kuni Toshkentda 4 ta YTH sodir bo‘ldi va bir kishi vafot etdi

2017-yilning 6-avgust kuni Toshkent shahri hududida 4 ta yo‘l-transport hodisasi qayd etildi. Mazkur yo‘l-transport hodisasida 6 nafar shaxslar tan jarohati olgan, bir nafar shaxs vafot etgan, deb xabar berdi Toshkent shahar IIBB matbuot xizmati.

2017-yilning 6-avgust kuni YPX inspektorlari tomonidan jami 2820 ta huquqbuzarliklar bo‘yicha ma’muriy bayonnomalar rasmiylashtirilgan bo‘lib, shulardan 728 tasini qo‘pol turdagi, 31 tasini mast holda transport vositasini boshqarish tashkil etgan.

Toshkent shahar IIBB YHXB kompyuterlashtirilgan boshqaruv tizimi tomonidan 2017-yil 6-avgust kuni jami 859 ta huquqbuzarliklar qayd etilgan bo‘lib, shulardan 493 tasini svetoforning taqiqlovchi chirog‘iga bo‘ysunmasdan harakatlanish, 366 tasini belgilangan me’yordan yuqori tezlikda harakatlanish tashkil etadi.

“Daryo”ning Telegram’dagi rasmiy kanali — @toshqindaryo’ga a’zo bo‘ling!