Quvada yuz bergan YTH oqibatida Damas avtomobilida 4 kishi yonib ketdi

Farg‘ona viloyati Quva tumanidagi Mingchinor qishlog‘ida 6-avgust kuni soat 20:30 da Damas avtomashinasida to‘rt kishi tiriklayin yonib ketdi. Bu haqda “1news.uz” xabar berdi.

Hodisa guvohlarining so‘zlariga ko‘ra, Damas Captiva bilan to‘qnashib ketgan.

“To‘qnashuvdan keyin Damas yona boshladi, uning ichida haydovchi va uch nafar yo‘lovchi bor edi. Yong‘in oqibatida Damas’ning salonidagi kishilar tiriklayin yonib ketdi”, — dedi YTH guvohlaridan biri.

Mazkur holat bo‘yicha jinoiy ish qo‘zg‘atilgan, tergov harakatlari olib borilmoqda.

“Daryo” yangiliklarini Facebook’da kuzatib boring