Tabiat qo‘ynida ko‘proq vaqt o‘tkazish uchun 6 ta sabab

Tabiat qo‘ynida bo‘lish harakatsiz yashash tarzi bilan bog‘liq ko‘plab kasalliklarning oldini olishi mumkin.

Yallig‘lanish autoimmun buzilishlar, ichak kasalliklari, depressiya va saraton kasalliklari bilan bog‘langan. Olimlar o‘rmonda sayr qilishdan so‘ng yoshlarning ham, qarilarning ham organizmlarida yallig‘lanish darajasi pasayishini isbotladi.

O‘rmonda sayr qilish xavotirlikni va yomon kayfiyatni kamaytiradi. Ayniqsa, sayr qilish vaqtida suv bo‘yida bo‘lish ijobiy samarani kuchaytiradi. Shuningdek tabiat qo‘ynida sport bilan shug‘ullanish ham juda foydali.

Olimlar, tabiat qo‘ynida dam olish bolalarda uzoqni yaxshi ko‘rolmaslikning paydo bo‘lish xavfini kamaytirishini aniqladil.

Sayr qilishlar hatto diqqat yetishmovchiligi sindromi va faollikning susayishi bilan og‘rigan bolalarga ham yordam beradi. Tadqiqotlar natijalariga ko‘ra, bog‘da sayr qilganlaridan 20 daqiqa keyin ularning diqqatlarini jamlash osonlashgani ma’lum bo‘ldi.

Yapon tadqiqotchilari o‘rmonda sayr qilish nafaqat stress gormoni miqdorini 15 foizga kamaytirishini, balki qon bosimini ham pasaytirishini aniqladi.

Hozircha aniq dalillar bo‘lmasa ham, dastlabki ma’lumotlarga ko‘ra tabiat qo‘ynida, ayniqsa o‘rmonda bo‘lish saratonga qarshi oqsillarning ishlab chiqilishiga yordam berishi aniqlandi.

Shuningdek, yaponiyalik olimlar ko‘plab o‘rmonlar bor joylarda yashovchi aholi o‘rtasida saraton kasalligidan o‘lish darajasi pastroq ekanligini aniqladi.

Manba: “Wday.ru”

“Daryo”ning Telegram’dagi rasmiy kanali — @toshqindaryo’ga a’zo bo‘ling!