Baxtiyor Sayfullayev madaniyat vaziri etib tayinlandi

Baxtiyor Sayfullayev O‘zbekiston madaniyat vaziri etib tayinlandi. Bu haqda “Daryo”ning manbalari ma’lum qildi.

Sayfullayev Baxtiyor Sayfullayevich A.N.Ostrovskiy nomidagi Toshkent davlat teatr-rassomchilik san’ati institutini bitirgan (hozirgi O‘zbekiston davlat san’at va madaniyat instituti), professor, O‘zbekistonda xizmat ko‘rsatgan madaniyat xodimi, Qoraqalpog‘iston Respublikasi san’at arbobi.

Baxtiyor Sayfullayev bunga qadar O‘zbekiston davlat san’at va madaniyat instituti rektori lavozimida ishlab kelgan edi.

Eslatib o‘tamiz, yangi belgilangan tartibga ko‘ra, madaniyat vaziri ayni vaqtda O‘zbekiston davlat konservatoriyasi rektori ham hisoblanadi.

“Daryo”ning YouTube’dagi rasmiy sahifasiga obuna bo‘ling