Turkiyada AQSh samolyotini urib tushirishga uringan Rossiya fuqarosi olti yilga qamaldi

Turkiyada hibsga olingan Rossiya fuqarosi Renat Bakiyev sud qarori bilan 6 yil 3 oylik qamoq jazosiga hukm qilindi. Bu haqda “Gazeta.ru” xabar bermoqda.

Aytilishicha, hukm erkak qo‘lga olingan paytda sirtdan chiqarilgan. Endi u yangi ayblovlar asosida sudlanadi.

Turkiya huquq-tartibot organlari vakillari uni IShID bilan aloqadorlikda gumon qilmoqda.

Ilgariroq xabar qilinganidek, Renat Bakiyev Injirlik aviabazasidagi AQSh samolyotlaridan birini dron yordamida urib tushirishni rejalashtirgan. Rossiyaning Turkiyadagi elchixonasi voqeani o‘rganmoqda va tez orada rasmiy bayonot bilan chiqadi, deyiladi xabarnomada.

IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.

“Daryo”ning Telegram’dagi rasmiy kanali — @toshqindaryo’ga a’zo bo‘ling!