Hindistonda kislorod bilan bog‘liq muammo sabab 30 nafar bola halok bo‘ldi

Hindistonning Uttar Pradesh shtatidagi davlat kasalxonasida kislorod yetishmasligi sabab kamida 30 nafar bola halok bo‘ldi. Bu haqda “Sinxua” agentligiga tayanib, “Interfaks” xabar berdi.

Bolalar shtatdagi eng katta shifoxonada — BRD tibbiyot kollejida vafot etgan. Mahalliy amaldorlardan birining so‘zlariga ko‘ra, kislorod ballonlarini yetkazib beruvchi xususiy firma to‘lov amalga oshirilmagani sabab shartnomaning o‘zi bajarishi kerak bo‘lgan qismini bajarishdan bosh tortgan. O‘lim holatlari payshanbadan boshlangan.

Sog‘liqni saqlash vazirligining ma’lum qilishicha, bolalarning halok bo‘lishiga kislorod bilan bog‘liq muammolar sabab emas. Shuningdek, u tergov ishlaridan so‘ng aniq sabablar ma’lum bo‘lishiga aniqlik kiritdi.

“Daryo” yangiliklarini Facebook’da kuzatib boring