Venesuela TIV Peru prezidentini “xalq dushmani” deya e’lon qildi

Venesuela Tashqi ishlar vazirligi Peru prezidenti Pedro Pablo Kuchinskini “xalq dushmani” deya atadi. Bu haqda vazirlikning rasmiy bayonotida so‘z boradi, deb xabar berdi “Gazeta.ru”.

“Peru respublikasi prezidenti Pedro Pablo Kuchinski Venesuela ichki ishlariga aralashishni davom etayotgani hamda xalqlarimiz o‘rtasidagi ikki tomonlama tarixiy aloqalarini buzish niyati bo‘lgani uchun Simon Bolivar vatanining dushmani deya e’lon qilinadi”, — deyiladi xabarda.

Bundan tashqari idoraning ta’kidlashicha, Venesuela hukumati “Peruni boshqarayotgan elita qatlamning harakatlariga qaramay”, peruliklar bilan munosbatlarini mustahkamlashni davom ettiradi.

“Daryo”ning YouTube’dagi rasmiy sahifasiga obuna bo‘ling