Sharlotsvilldagi tartibsizliklarning uch ishtirokchisi hibsga olindi

AQShning Sharlotsvill shahrida davom etayotgan millatchilar namoyishining uch ishtirokchisi qo‘lga olindi. Bu haqda “Gazeta.ru” xabar bermoqda.

Virginiya shtati politsiyasining Facebook’dagi sahifasida bildirilishicha, tennessilik 21 yoshli Troy Danigan jamoat tartibini buzishda, virginiyalik 21 yoshli Jeykob Smit hujum qilishda va jarohat yetkazishda, floridalik 44 yoshli Jeyms O’Brayen esa litsenziyasiz qurol olib yurishda ayblanmoqda.

Ilgari xabar qilinganidek, Sharlotsvillda namoyishchilar ustiga mashina haydagan 20 yoshli Aleks Fildsga nisbatan ayblov ilgari surildi.

“Daryo” yangiliklarini Facebook’da kuzatib boring