Papa Fransisk dindorlarni muchallar va folbinlarga ishonmaslikka chaqirdi

Rim papasi Fransisk dinga e’tiqod qo‘ygan insonlarni muchallar va folbinlarga ishonmaslikka chaqirdi. Bu haqda “RIA Novosti” xabar bermoqda.

“Odamlar o‘zlariga ko‘proq ishonish uchun muchallar va folbinlarga murojaat etsa, ular tubga keta boshlaydi”, — ta’kidladi u Vatikandagi havoriy Pyotr maydonidagi yakshanbalik va’zida.

U Xudoga ishonch oson va yengil hayot taqdim etmasligini, hayotni bo‘ronlardan asramasligini qo‘shimcha qilib o‘tdi.

“Iymon — hayotiy muammolardan chiqish emas, ammo u yo‘lda odamni qo‘llab-quvvatlaydi, hayotga mazmun bag‘ishlaydi”, — xulosa qildi pontifik.

“Daryo”ning YouTube’dagi rasmiy sahifasiga obuna bo‘ling