Polshada har yili 2,5 ming O‘zbekiston fuqarosi ish bilan ta’minlanadi 

Tashqi mehnat migratsiyasi masalalari agentligining turli mamlakatlar, jumladan, Rossiya va Janubiy Koreyada vakolatxonalarini ochish masalasi ko‘rib chiqilmoqda. Bu haqda “1news.uz” xabar berdi.

O‘zbekiston va Rossiya o‘rtasida migratsiyaga mas’ul idoralar vakolatxonalarini o‘zaro tashkil etish to‘g‘risida kelishuv imzolangan.

Mazkur kelishuv doirasida Moskva, Belgorod, Krasnodar, Sankt-Peterburg, Kaliningrad, Vladivostok va Rossiyaning boshqa shaharlarida agentlik vakolatxonalarini ochish ko‘zda tutilmoqda.

Joriy yil birinchi choragida 551 nafar O‘zbekiston fuqarosi ishlash uchun Janubiy Koreyaga yo‘l oldi. 2017-yil fevralida Polsha kompaniyasi bilan imzolangan ushbu mamlakat hududida mehnat faoliyatini amalga oshirish uchun O‘zbekiston fuqarolarini jalb etish bo‘yicha kelishuv doirasida har yili 2,5 ming kishini ish bilan ta’minlash rejalashtirilmoqda.

Shuningdek, Janubiy Koreya, Rossiya va Yaponiya bilan boshqa hukumatlararo, muassasalararo shartnomalar va kelishuvlarga ham erishilgan. Bunday hujjatlarni Polsha bilan imzolash ko‘zda tutilgan, Ummon va Turkiya bilan muzokaralar olib borilmoqda.

“Daryo” yangiliklarini “Odnoklassniki”da kuzatib boring