Botir Zohidov Markaziy bank raisi o‘rinbosari etib tayinlandi

Botir Zohidov O‘zbekiston Markaziy banki raisi o‘rinbosari etib tayinlandi. Bu haqda “Gazeta.uz” xabar bermoqda.

Hukumat portalida e’lon qilingan axborotga ko‘ra, O‘zbekiston Prezidenti bu haqdagi farmonni 14-avgust kuni imzolagan.

Botir Zohidov bungacha Markaziy bankning Valyuta ayirboshlash operatsiyalari maxsus boshqarmasiga rahbarlik qilgan.

Avvalroq, 1-avgust kuni Markaziy bank raisi o‘rinbosarlaridan biri Saidkamol Xo‘jayev lavozimidan ozod etilgan, keyinroq “Agrobank” rahbari etib tayinlangan edi.

“Daryo” yangiliklarini “Odnoklassniki”da kuzatib boring