Xitoyda sport bilan shug‘ullanish uchun ko‘chma kabinalar o‘rnatildi

Xitoy poytaxti Pekin shahrida kun-u tun fitnes bilan shug‘ullanish uchun kabinalar o‘rnatildi. Bu haqda Daily Mail gazetasiga tayanib, “Gazeta.ru” xabar berdi.

Ixtirochilarning so‘zlariga ko‘ra, kabinalar odamlarga sport bilan ko‘proq shug‘ullanish imkonini beradi. Havoning ifloslangani sababli ko‘plab xitoyliklar ochiq havoda sport bilan shug‘ullanmaydi. Yugurish yo‘lakchasi bilan jihozlangan kabina odamlarga 12 yuan (2 dollar) evaziga bir soat shug‘ullanish imkonini beradi.

Nashrning yozishicha, har bir kabinada yugurish yo‘lakchasi bilan birga, havo tozalagich, ko‘zgu, televizor va konditsioner o‘rnatilgan. Mashg‘ulot vaqtida foydalanuvchilar elektron pochtani tekshirishi, musiqa eshitishi yoki film tomosha qilishi mumkin.

“Daryo” yangiliklarini “Odnoklassniki”da kuzatib boring