Manchesterdagi teraktda halok bo‘lganlarning oilalariga 323 ming dollardan tovon puli to‘lanadi

Manchesterdagi terakt oqibatida halok bo‘lgan 22 kishining oilalariga We Love Manchester Emergency Fund jamg‘armasi tomonidan 250 ming funt sterlingdan (323 ming dollar) beriladi. Bu haqda “RIA Novosti” ma’lum qildi.

Mazkur jamg‘arma 22-may kuni Manchester Arena stadionida ro‘y bergan teraktdan so‘ng maxsus tashkil etilgandi. Xayriyalarning umumiy summasi 18 million funt sterlingni (23,2 million dollar) tashkil etdi.

Ushbu mablag‘lar teraktlarda jiddiy jabrlanganlar o‘rtasida ham taqsimlanadi.

“Daryo”ning Telegram’dagi rasmiy kanali — @toshqindaryo’ga a’zo bo‘ling!