Afrikada pushti rang filchani ko‘rib qolishdi (video)

Afrikadagi Kryuger milliy bog‘ida sayr qilib yurib, sayyoh pushti rangli filchani ko‘rib qoldi va videoga oldi, deb yozadi National Geographic.

Noodatiy tusli filcha suv havzasida boshqa fillar bilan birga sho‘xlik qilmoqda. Unga g‘amxo‘rlik qilib, mehr ko‘rsatishmoqda va o‘z urug‘doshlariga o‘xshamaganligi uchun hech ham azob chekmayapti.

Albinizm — organizmda teri va soch rangi, ko‘z rangdor pardasining tusi uchun javob beradigan melanin pigmentining bo‘lmasligi bilan tavsiflanadigan kasallik.

Albinos jonivorlarning hayot uchun kurashishi juda qiyin: ular o‘z urug‘doshlari orasida ajralib turgani uchun, yirtqichlar ovining birinchi galdagi obyektiga aylanadi. Bundan tashqari, ularni kamyob terini qo‘lga kiritish istagidagi brakonyerlar alohida o‘jarlik bilan ta’qib qiladi.

“Daryo”ning YouTube’dagi rasmiy sahifasiga obuna bo‘ling