AQSh 2009-yildan beri birinchi bor Misr bilan hamkorlikda harbiy mashg‘ulotlar o‘tkazadi

AQSh Misr bilan hamkorlikda “Yorqin yulduz” harbiy mashg‘ulotlarini o‘tkazadi. Bu haqda “TASS” xabar bermoqda.

CNN manbalariga ko‘ra, mashg‘ulotlarga bu gal AQShning atigi 200 nafar harbiy xizmatchisi safarbar etiladi. Taqqoslash uchun, 2009-yilda o‘tkazilgan oxirgi mashqlarda Amerika tomonidan 1,3 ming kishi ishtirok etgandi.

AQSh va Misrning “Yorqin yulduz” harbiy mashg‘ulotlari 1980-yildan beri har ikki yilda muntazam ravishda o‘tkazib kelinardi. Yaqin Sharqdagi eng yirik harbiy mashqlardan biri 8 yildan beri Misrdagi murakkab vaziyat tufayli bo‘lmayotgandi.

“Daryo” yangiliklarini Facebook’da kuzatib boring