Permdagi xalqaro yugurish musobaqasida robot ishtirok etadi

Yugurish bo‘yicha xalqaro musobaqalar tarixida birinchi marta sportchilar bilan bir qatorda noodatiy sportchi — Promobot v.3 roboti Rossiyaning Perm shahrida bo‘lib o‘tadigan marafonda ishtirok etadi. U 3 kilometrli masofaga yugurish uchun ro‘yxatdan o‘tdi. Bu haqda TJournal ma’lum qildi.

Robot yaratuvchisining so‘zlariga ko‘ra, robotning marafonda ishtirok etishi uning ochiq joyda harakatlanish va olomon ichida yo‘nalishni tanlay oliy tizimini tekshirish bilan bog‘langan.

Marafon shartlari bu sinov uchun to‘g‘ri keladi. Robotdan ariza darhol qabul qilingan. Tashkilotchilarning asosiy va yagona talabi — robot marafonda ishtirok etishning xavfsizlik talablariga javob berishi bo‘lgan. Robotning oyoqlari bo‘lmasa ham, tashkilotchilar uning marafonda ishtirok etishiga ruxsat berdi.

“Daryo”ning YouTube’dagi rasmiy sahifasiga obuna bo‘ling