Ozodbek Nazarbekov davlat amaldori sifatida ilk xorijiy safarga bordi

Madaniyat vazirining birinchi o‘rinbosari Ozodbek Nazarbekov 16-avgust kuni Bishkekda o‘tkazilgan ikki tomonlama hamkorlik bo‘yicha O‘zbekiston—Qirg‘iziston hukumatlararo komissiyasining majlisida ishtirok etdi. Bu haqda UzNews xabar bermoqda.

Qirg‘iziston prezidenti matbuot xizmati tomonidan e’lon qilingan suratlardan birida Ozodbek Nazarbekovni O‘zbekiston delegatsiyasi a’zosi sifatida ko‘rish mumkin.

Eslatib o‘tamiz, 9-avgust kuni O‘zbekiston xalq artisti Ozodbek Nazarbekov O‘zbekiston madaniyat vazirining birinchi o‘rinbosari etib tayinlangan edi.

“Daryo” yangiliklarini “Odnoklassniki”da kuzatib boring