OAV: MRB Kataloniyani Barselonada terakt uyushtirilishi mumkinligidan ogohlantirgan edi

AQSh Markaziy razvedka byurosi Kataloniya rasmiylarini Barselonada terrorchilik hujumi uyushtirilish xavfi borligidan ogohlantirgan edi. Bu haqda, Periodico nashriga tayanib, “RIA Novosti” xabar bermoqda.

“MRB Kataloniya politsiyasini ikki oy oldin Barselonada, aynan Rambla ko‘chasida terrorchilik hujumi uyushtirilishi mumkinligidan ogohlantirgan edi”, — deyiladi xabarnomada.

Oxirgi ma’lumotlarga qaraganda, Barselonadagi terakt oqibatida 13 kishi halok bo‘lgan.

Gumondor shaxsning surati Ispaniya matbuotida e’lon qilingan edi. Birozdan so‘ng u qo‘lga olingani ma’lum bo‘ldi.

“Daryo”ning Telegram’dagi rasmiy kanali — @toshqindaryo’ga a’zo bo‘ling!