Xivada 7—9-sentabr kunlari “Raqs sehri” xalqaro festivali bo‘lib o‘tadi

Xivadagi “Ichan qal’a” davlat muzey-qo‘riqxonasida 7—9-sentabr kunlari navbatdagi “Raqs sehri” xalqaro festivali bo‘lib o‘tadi. Bu haqda Turizmni rivojlantirish davlat qo‘mitasi matbuot xizmati xabar berdi.

Festivalda mahalliy va chet el raqs guruhlari hamda ansambllari ishtirok etadi.

Festival doirasida turli-tuman raqslar ijrosi, raqs ustalarining mahorat saboqlari, ijodiy uchrashuvlar, folklor guruhlar va ansambllar chiqishlari, milliy o‘yinlar, animatsion shoular, sahnalashtirilgan va qo‘g‘irchoq teatrlari tomoshalari namoyish etiladi.

Hunarmandlar, milliy taomlar va liboslar, tasviriy va amaliy san’at ko‘rgazmalari hamda “O‘zbekiston raqs san’ati tarixi” fotoko‘rgazmasi tashkil etiladi.

“Daryo” yangiliklarini “Odnoklassniki”da kuzatib boring