Kataloniyadagi teraktlar qurbonlari soni 14 kishiga yetdi

Tarragonadagi shifoxonada 18-avgustga o‘tar kechasi avtomobil odamlarni bosib ketishi oqibatida jabrlanganlardan biri vafot etdi. Kataloniya favqulodda xizmatining ma’lum qilishicha, vafot etgan ayolning ahvoli og‘ir bo‘lgan, deb xabar beradi Meduza.

Kataloniyadagi teraktlar oqibatida halok bo‘lganlarning umumiy soni 14 kishiga yetdi. Bundan tashqari, 5 nafar terrorchi ham o‘ldirildi.

Tarragonadagi shifoxonada Kambrilsdagi terakt oqibatida jabrlangan besh kishi qolmoqda.

17-avgust kuni Barselonadagi Rambla turistik ko‘chasida furgon odamlarni bosib ketdi. Hodisa oqibatida 13 kishi halok bo‘ldi va 100 dan ortiq odam jabrlandi. Keyinroq 18-avgustga o‘tar kechasi Kambrilsda avtomobilda odamlar ustiga bosib borgan besh nafar terrorchi yo‘q qilindi.

“Daryo” yangiliklarini “Odnoklassniki”da kuzatib boring