Putin Xersonesda “rus Makkasi”ni yaratishni taklif etdi

Rossiya prezidenti Vladimir Putin Xersonesda “rus Makkasi”ni yaratishni taklif etdi. Bu haqda “Interfaks” xabar bermoqda.

“Bu yerda rus, Rossiya Makkasini yaratish lozim. Gap bu yerda knyaz Vladimir cho‘qintirilganida emas, balki shundan so‘ng markazlashgan Rossiya davlatining mustahkamlanishi boshlanganida”, — ta’kidladi Putin “Tavrida Xersonesi” muzey-qo‘riqxonasi olimlari bilan uchrashuv chog‘ida.

Putinga ko‘ra,”yagona bozor, til, din va hokimiyat asosida milliy Rus davlati va mohiyatan, rus millati dunyoga keldi”.

Rossiya prezidenti uchrashuv boshlanishidan avval Qrim va Sevastopolni rivojlantirishning ma’naviy jihatlarini muhokama qilishni taklif etdi.

“Daryo”ning Telegram’dagi rasmiy kanali — @toshqindaryo’ga a’zo bo‘ling!